.
.
shaam ke kinaare doobkar
paani ki tahoN mein so gaye
santari ujaale tootkar
bant gaye hazaar ho gaye
doodhiya nazar raat bhar
aasmaani pardoN se jhaankti rahi
tute lamhe, phisle pehar
shab us "kuch nahin" ko dhaankti rahi
paon pasaare
dhundh li katareN
badhati rahi nigaahoN ka waham
mere gham bhi bekarar ho gaye
saahil ka jism main cheerta raha
hawa un ubhaaroN ko dhaalti chali
paani pe thehri, zara ret mein machli
peeche peeche tinke uchaalti chali
saare ke saare
hosh utaare
nibhate rahe, shaidaii ka bharam
hum bhi un par sawaar ho gaye
..
.
No comments:
Post a Comment