main tumhari prateeksha mein maun
sab kuch jhuthlata, nat
tumhari prateeksha mein vyast
tum aao to
main cheer kar phenk sakooN ye aadambar
masle hue bistar se uthkar
jhaank sakooN pal bhar
damit ichhaaoN ka syamvar
tum aao to
sweekar sakooN ke jo kuch bhi
mujh mein sahej hona chahiye
so hai,
main jo kuch anubhav karta hoon
vah likh sahooN
na todne pade vaktavya
na jodne pade shabd
nepethya mein na kuch bhi chipa reh sake
pal bhar ko hi priy
mujhe abhivyakti ka swaatantry de jao
manushya hone ka bhautik swaad
jheebh par jama rahne do
....
.
