piya tere lahori naina aisa jaal bunaye
na dekha janma nahin, jo dekhe but ho jaye
-----------------------------------------
piya teeri ankhiyon se bindhi chali aai main
moh mein guthi aisi khul nahin paii main
man to banaya tha ki tohe akulaaoongi
ankhiyaN jhookaii aage peeche pachtaii main
koi meri ankhiyon mein dekhe teri gandh to
deh pe sajaye phiruN piya teri jhaanii main
kanche wali ankhiyon mein os batori ri
raat kal galiyon mein bada boraii main
sookhe meethe mahue ki jhaans si bikhari
piya teri ankhiyon se aisa garmaii main
No comments:
Post a Comment